Siglir tar il cuntegn

Header

purtret d'ina lavina.
Legenda: La lavina che ha sepulì l'indigen a Schlarigna. MAD, Polizia chantunala
cuntegn

Schlarigna In snowboardist è vegnì en lavina e mort

Gievgia è in snowboardist vegnì a Schlarigna en ina lavina. In'acziun gronda da forzas da segirezza han lura tschertgà l'um, ch'è vegnì chattà d'in chaun da lavinas.

En il territori da skis da Corviglia Piz Nair è il sportist da 28 onns ì cun trais ulteriurs snowboardists dasper la pista segirada. Ina lavina è ida a val enturn las 15:20 sin radund 2'900 meters sur mar ed ha sepulì l'indigen.

Passa 40 persunas – commembers dal CAS Bernina, dal salvament SOS Engiadina San Murezzan Mountains, persunas privatas sco era ina crew da la Rega han tschertgà il sepulì. Suenter bun in'ura ha in chaun da lavinas chattà el en ina profunditad da radund 1,5 meters naiv. Malgrà tuttas mesiras è el anc mort al lieu. Co l'accident è capità exact sto la polizia anc sclerir.

RTR novitads 16:00

Artitgels legids il pli savens

Scrollar a sanestra Scrollar a dretga