Mardi suentermezdi hai dà in accident tranter duas manischunzas sin la via principala tranter Segl e Malögia. Quai communitgescha la polizia chantunala.
Ina dunna svizra da 69 onns è charrada vers las 11:00 sin la via dal Malögia H3 per lung dal Lai da Segl en direcziun Plaun da Lej. Ina dunna taliana da 63 onns è charrada en l'autra direcziun. Avant la cumbinaziun da la storta sper Plaun dal Crot è l’auto da la dunna svizra collidà frontalmain cun quel da la Taliana sin il vial oppost. Ina squadra dal salvament Engiadin’Ota ha tgirà las duas manischunzas levamain blessadas ed ha transportà ellas en l’ospital a Samedan. La polizia chantunala grischuna eruescha il motiv da l’accident.
