Siglir tar il cuntegn

Header

cuntegn

Val Müstair Investiziuns da dus milliuns francs per vias e segirezza

La radunanza communala da la Val Müstair ha consenti credits per dus projects forestals ed ina sanaziun da la via a Müstair.

La vischnanca da Müstair investescha 400’000 francs per refar drenaschas che stabiliseschan costas e scarpas en la regiun da Valpaschun e Vallatscha. Questas lavurs èn impurtantas per segirar la vischnanca e plinavant era per segirar l’access en la val. Plinavant ha la radunanza communala consenti in credit dad 880’000 francs per refar la via da guaud en vischinanza da la fracziun da Lü.

Lunga fasa da construcziun pervi da lavurs archeologicas

Cun il terz credit consenti da 700’000 francs è previs da sanar la via communala tranter la Claustra San Jon e Plaz Grond a Müstair. Questa lavur dura a partir d’avrigl enfin il settember. Il motiv per questa lunga fasa da construcziun èn stgavaments archeologics che vegnan fatgs parallel tar las lavurs da sanaziun.

audio
Per tadlar curt e cumpact
aus RTR Audio vom 24.03.2022.
abspielen. Laufzeit 1 minuta 3 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga