Pervia corona na pon las scolaras ed ils scolars da Valsot betg festivar il Nadal da scola sco ils auters onns. Ils auters onns è numnadamain vegnì festivà sulettamain en ina fracziun. Quest onn n’è quai betg pussaivel e perquai èn ils magisters sa decis per in’alternativa.
Legenda:
Las scolaras ed ils scolars da Valsot han preparà en mintga fracziun in pignol da Nadal ed intginas surpraisas per ils visitaders.
RTR, Armon Schlegel
Pignol da Nadal en mintga fracziun
En mintga fracziun han las scolaras ed ils scolars installà in pignol da Nadal. Quel han els decorà cun stailas e cullas ch’els han zambregià en scola. Uschia po mintgin visitar ils pignols cura ch’el vul e tar la visita al spetga er anc ina surpraisa. Sper la decoraziun dals pignols han las scolaras ed ils scolars numnadamain er anc zambregià ed elavura differentas surpraisas sco p. ex. mandlas u versins ch’ils visitaders pon prender a chasa sco regurdientscha.
audio
ScolarAs da Valsot han preparà in'alternativa per il Nadal usità
ord Actualitad dals 23.12.2020.
laschar ir. Durada: 1 minuta 53 Secundas.
