La radunanza communala dal «Comune di Bregaglia» ha consentì in credit da 1,46 milliuns francs per ina nova rait stradala enturn la fracziun da Bondo, oravant tut per il traffic da transport da laina.
Plinavant han las votantas ed ils votants approvà in credit da 8,49 milliuns francs per realisar ina fermada da l’auto da posta, plazzas da parcar publicas ed in deposit central per il rument per la fracziun da Soglio. L’entschatta da las lavurs èn previsas il favrer 2023, e duain durar enfin l’onn 2025 cun l'erecziun da la chasa da parcar Clüs.