Dals 12 fin ils 16 da november ha lieu per la 8avla giada l'exposiziun professiunala grischuna Fiutscher. Scolaras e scolars, geniturs, entiras classas però era persunas creschideas èn envidadas da vegnir ed emprender d'enconuscher las professiuns e chattar lur clamada. Quai gist era cun la pussaivladad da sclerir emprimas u era las ultimas dumondas ensemen cun quels che han gia fatg l'emprendissadi.
Era sche l'exposiziun organisada da l'Uniun grischuna d'artisanadi e mastergn porscha online gia pliras pussaivladads d'emprender d'enconuscher las lavurs e professiuns, potscha l'exposiziun la pussaivladad da far l'experientscha live ed il discurs individual.
En il rom da l'exposiziun da professiun e furmaziun «Fiutscher» han era quatter commembers e commembras dal SwissSkills National Team 2025 la pussaivladad da sa mesirar. Ils 15 da november ha lieu l'occurrenza «Il Grischun sco chantun da furmaziun professiunala» per il giubileum da 125 onns Uniun grischuna da mastergn.
