Project «Klassengastro» – la calma avant la tempesta
Tar mintga occurrenza sa participeschan tenor Gastro Grischun tranter 10 e 20 scolaras e scolars. Questa giada sa scuntran els ed ellas a las 13:30 en l’ustaria Casa Caminada. Suenter ina bavronda da bainvegni datti in'invisita guidada tras la cuschina e tras il local. Lura vegn la classa partida en dus teams: cuschina e service. A partir da quest mument surpiglian ils giuvenils – cun instrucziun da las collavuraturas e dals collavuraturs – pass per pass il manaschi.
Adina pli paucas persunas cumenzan in emprendissadi en la gastronomia. Perquai empruvain cun diversas mesiras da far dapli reclama e motivar la glieud da metter ina giada in pe en la gastronomia – sco questa saira.
En la Casa Caminada cumenza il di giuadora en curtin. Ensemen cun ils cuschiniers rimnan ils giuvenils ervas frestgas. Regiunalitad fa part al concept da la cuschina dad Andreas Caminada, e quai era durant questa saira tut speziala.
Enavos en cuschina vegnagn tagliadas las verdiras, las ervas ed ils scolars preparan era la sosa da rost.
preparaziuns en la cuschina
-
Bild 1 von 3. Bildquelle: RTR.
-
Bild 2 von 3. Bildquelle: RTR.
-
Bild 3 von 3. Bildquelle: RTR.
Fertant ch’i vegn lavurà en cuschina, prepara l’autra mesadad da la classa il local da mangiar. Otg mattas e dus buobs cuvran las maisas, pulischan ils magiels e faudan las serviettas. Els emprendan co ch'i vegn miss a maisa, co ch'ins porta in tablet senza sponder insatge, e co che bevrondas senza alcohol vegnan maschadadas a moda professiunala.
preparaziuns en il local da mangiar
-
Bild 1 von 3. Bildquelle: RTR.
-
Bild 2 von 3. Bildquelle: RTR.
-
Bild 3 von 3. Bildquelle: RTR.
A las 18:30 vegni serius: geniturs, fragliuns ed ulteriurs giasts arrivan. Ussa ston ils giuvenils mussar tge ch’els han emprendì durant il suentermezdi. Sin la carta da menu stattan trais tratgas:
Il menu
-
Bild 1 von 3. Avantpast. Co prim in avantpast cun üna salata da primavera cun verdura frestga frittada. Bildquelle: RTR.
-
Bild 2 von 3. Plat principal. Il plat principal cun ina haxa da vadè cun tartuffels sgrattads brassads. Bildquelle: RTR.
-
Bild 3 von 3. Dessert. Co l'ultim in dessert cun ina crema brassada cun beignets. Bildquelle: RTR.
Las scolaras ed ils scolars da Cazas cuschinan, preparan e servan. Durant lur lavur vegnan ela ed ellas adina sustegnids da las collavuraturas ed ils collavuraturs da la Casa Caminada. La gnervusitad dal cumenzament sa calma.
Suenter ch'jau hai realisà ch'i è gnanc uschè mal e mia gnervusitad è sa reducida, poss jau m'imaginar da lavurar en la gastronomia. Far in plaschair a las persunas, fiss er in plaschair a mai.
Il project duai mussar che la gastronomia è dapli che stress e lungs dis da lavur. La lavur da team, la creativitad ed il contact cun ils giasts tutga era latiers. Ina singula saira na decida anc betg davart la decisiun finala da la professiun. Ma ella po avrir novas perspectivas – e forsa dar in prim stumpel en ina branscha ch’è da gronda impurtanza per il Grischun.