Siglir tar il cuntegn

Header

cuntegn

Alvra Via libra per punts pendentas a Solas

La regenza grischuna ha approvà la revisiun parziala da la planisaziun locala da la vischnanca Alvra. Cun las duas punts vul la regiun carmalar dapli turists. Quai er en cumbinaziun cun il lieu e la vista sin la Punt da Solas en autezza impressiunanta, che ha valur istoric-culturala.

Ils purtaders dal project «Aventura Alvra» vulan realisar duas punts pendentas, che van sur il flum Alvra. Cumprovas davart la realisabladad e retschertgas davart consequenzas per l’ambient èn gia avant maun.

Ils iniziants dal project han uss tschintg onns peda per realisar il project. Vegn quel betg realisà entaifer quest temp, scroda la decisiun da la radunanza communala, ed i dovra ina nova revisiun parziala da la planisaziun locala.

Ord l'Archiv

Ils 20 da mars 2019 ha la regiun Alvra preschentà per l'emprima giada il project. La contribuziun dal Telesguard:

video
«Aventura Alvra»
Or da Telesguard dals 21.03.2019.
laschar ir. Durada: 3 minutas 8 Secundas.

RTR novitads 10:00

Artitgels legids il pli savens