Avras - Chattà planta da 662 onns en il guaud da Capetta
Perscrutadras e perscrutaders da l’Institut federal per la perscrutaziun da guaud, naiv e cuntrada WSL han examinà trais guauds en Val d’Avras. La planta pli veglia chattada è da l’onn 1360.
Ch’ins chattia plantas uschè veglias saja rar, ha ditg Andreas Rigling, che maina il project ad Avras che stat ussa avant la finiziun. Trais guauds sajan vegnids examinads. En il guaud da Capetta hajan ins chattà pliras 100 plantas fitg veglias che vegnan era numnadas plantas da Metusalem.
Er examinà chasas veglias
Betg mo il guaud è vegnì perscrutà. Er sis chasas veglias èn vegnidas examinadas. Cun analisar la laina han ins chattà ora ch’il Münzelhaus a Campsut è la chasa pli veglia en Val d’Avras ch’è vegnida analisada. La laina da la chasa deriva da l’onn 1321.
Conservar las plantas da Metusalem
Las scuvertas fatgas vegnan ussa analisadas ensemen cun il servetsch forestal chantunal e communal. Quai per guardar co ch’ins po proteger e mantegnair per l’avegnir las plantas fitg veglias.
1 / 7
Legenda:
Questas chasas èn vegnidas examinadas sin la vegliadetgna.
Federico Belotti
2 / 7
Legenda:
Cun questas provas è vegnida analisada la vegliadetna da las plantas en Val d'Avras.
Federico Belotti
3 / 7
Legenda:
Il professur Andreas Rigling ha referì en la scola a Cresta.
Federico Belotti
4 / 7
Legenda:
Da san.: Perscrutaders e perscrutadras Alexander Carella, Annatina Hassler, Susan Lock, Andreas Rigling e Kurt Patzen (president communal Avras)
Federico Belotti
5 / 7
Legenda:
Ina planta fitg veglia chattada en la Val d'Avras.
Federico Belotti
6 / 7
Legenda:
Annatina Hassler ha raquintà da sias experientschas en ils guauds dad Avras.
Federico Belotti
7 / 7
Legenda:
Vista sin il Capettawald a Cresta nua ch'ins ha chattà plantas pli veglias che 600 onns.
Federico Belotti
