Bernina Suot - Ils montaders da binaris en acziun

Gievgia saira han visitadras e visitaders pudì persequitar las lavurs da binari a la staziun Bernina Suot. Experts da la Viafier retica han declerà ils singuls pass da lavur ed han respundì novitads e dumondas davart il mantegniment da la viafier.

Lavur da precisiun

Sco emprim èn vegnids tagliads ora dus tocs da binari da mintgamai 7,5 meters. Suenter han las persunas dal fatg allontanà la glera veglia e transportà quella davent cun sis vaguns da viafier. Pli tard è vegnì mess nova glera e montà in binari prefabritgà da 15 meters lunghezza.

Per questas lavurs èn stads en acziun 18 collavuraturs da la firma da construcziun da binaris Sersa Rail Group ensemen cun persunas da segirtad da la Viafier retica. Las lavurs han gì lieu durant la notg, per che il traffic da tren durant il di sin la lingia dal Bernina vegnia disturbà uschè pauc sco pussaivel.

Impressiuns da la notg dal plazzal avert

Senza ramur na vai betg

Cun quest'occurrenza publica ha la Viafier retica vulì mussar a la populaziun pertge che midaments da binaris regulars èn necessaris. A medem temp ha ella vulì render conscient che quests lavurs nocturnas pon per part chaschunar ramurs che na sa laschan betg evitar.