Siglir tar il cuntegn

Header

Il terren da Brinzauls è fitg instabil - la vischnanca ruschna a val.
Legenda: Il terren da Brinzauls è fitg instabil - la vischnanca ruschna a val. RTR, Federico Belotti
cuntegn

Bova Brinzauls Albula/Alvra ha approvà ils credits

Venderdi saira ha la radunanza communala decidì davart credits da passa 7,3 milliuns francs. La vischnanca Albula/Alvra sto pajar sezza circa in milliun francs, il rest pajan il chantun e la Confederaziun.

Trais credits èn stads en votaziun. Tar l’emprim credit vai per 4'350'000 francs per il concept d’examinaziun «sbuvada muntogna». Tranter auter duain vegnir examinads divers scenaris sin la muntogna ed i duai vegnir sclerì, tge interacziun ch'i dat tranter la sbuvada da la muntogna e la sbuvada en vischnanca.

Sanar indriz manglus

Tar il segund credit vai pe sanar ils indriz da drenascha sin la aclas da Brinzauls. Quels èn vegnids construids l’onn 1976 e na funcziunan betg pli endretg. Qua vai per la summa da 2'300'000 francs.

Segirar il provediment d'aua ed electricitad

Tar il terz credit en la valur da 710'000 francs (senza sustegn da chantun e Confederaziun) vai per sanar lingias d’aua e lingias d’electricitad a Brinzauls ch’èn vegnidas donnegiadas pervi da la bova.

RTR actualitad 12:00

Artitgels legids il pli savens

Scrollar a sanestra Scrollar a dretga