Siglir tar il cuntegn

Header

La vischnanca Albula/Alvra ed experts han infurmà davart la situaziun actuala.
Legenda: La vischnanca Albula/Alvra ed experts han infurmà davart la situaziun actuala. RTR; Federico Belotti
cuntegn

Bova Brinzauls Il 2021 pudess vegnir construida ina galaraia da sondagi

Il «rutsch» da Brinzauls che sa mova il mument per 1,1 meters ad onn, duai vegnir calmà. A partir da l’avrigl da l’auter onn, duai vegnir construida ina galaria da sondagi.

Quella duess vegnir construida en il vest da Brinzauls da manaivel da Casti, ha la vischnanca Albula/Alvra infurmà sur in livestream, il link avra en ina nova fanestra. La galaria da sondagi duess avair ina lunghezza da 500 meters cun in diameter da trais meters. Or da quella galaria, che vegn fatga en il crap ferm sut la massa che glischna, duessan vegnir fatgas pitschnas perfuradas per drenar la muntogna che sa mova ferm. Uschia pudess la muntogna sa calmar ed ils ferms moviments pudessan sa reducir. Sco, e sche quella galaria planisada po vegnir finanziada, è per il mument betg anc cler.

video
Il 2021 pudess vegnir construida ina galaraia da sondagi
Or da sil punct dals 31.07.2020.
laschar ir

Fegl supplementar per plan d'evacuaziun

Plinavant ha la vischnanca Alvra infurmà, ch’il plan d’evacuaziun per ils abitants da Brinzauls, Vazarouls, Casti, e Surava vegnia cumplettà cun il plan acut. Uschia vegn da nov descrit co ch’igl è da sa cumportar tar in’evacuaziun che sto succeder en terma da 1-6 uras. La schanza ch’in tal scenari vegnia propi duvrà saja però fitg pitschna ha ditg il president communal Daniel Albertin.

Ord l'archiv:

video
4 milliuns per analisar la bova da Brinzauls
Or da Telesguard dals 04.06.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga