Siglir tar il cuntegn

Header

Il viaduct da la Landwasser da chatta era en il Parc Ela.
Legenda: Il viaduct da la Landwasser da chatta era en il Parc Ela. RTR, Federico Belotti
cuntegn

Bravuogn Filisur Radunanza communala vegn spustada pervi da corona

Quai saja ina mesira da precauziun, perquai ch’ins haja constatà in augment dal dumber da persunas che sajan s’infectà cun il coronavirus en Val Alvra ed en vischnanca da Bravuogn Filisur. Quai scriva la vischnanca sin sia pagina d'internet.

Sco quai ch’il president communal da Bravuogn Filisur Luzi Schutz ha ditg envers RTR, ins veglia far la radunanza communala da nov il december. Sche quai na giaja puspè betg ins veglia laschar decider a l’urna e quai sche pussaivel er anc il december.

Tranter auter decida Bravuogn-Filisur davart la lescha da ruments. Plinavant vai per prolungar il contract dal Parc Ela per ulteriurs 10 onns a partir dal 2022. Gia decidì a favur dal parc han las vischnancas Albula/Alvra, Ferrera/Schmitten e Tavau. Surses vul decider ils 30 da november a la radunanza communala, e la radunanza communala da Lantsch è planisada ils 14 da december. I dovra in gea da quatter da sis vischnancas, per ch’il Parc Ela possia ir en sia segunda fasa da manaschi. Enfin ussa han trais vischnancas ditg gea.

Vista sin Savognin: Di Surses gea al nov contract dal Parc Ela, alura daventa da nov era il territori da l'anteriura vischnanca da Riom/Parsonz ina part dal parc.
Legenda: Vista sin Savognin: Di Surses gea al nov contract dal Parc Ela, alura daventa da nov era il territori da l'anteriura vischnanca da Riom/Parsonz ina part dal parc. RTR, Federico Belotti

RTR novitads 17:00

Artitgels legids il pli savens

Scrollar a sanestra Scrollar a dretga