Buolf Armon Planta remplazza Roland Farrér, ch’ha presidià l’Associaziun grischuna da pumpiers durant 14 onns. En spurastanza è vegnì elegì Lucas Schnoz dals pumpiers da Sursassiala. Roland Farrér resta vinavant president da la Federaziun Svizra dals pumpiers.
-
Bild 1 von 6. Da san.: Rino Zampedri, cassier, Buolf Armon Planta, nov president, Lucas Schnoz, nov suprastant, Roland Farrér, president partent. Bildquelle: RTR.
-
Bild 2 von 6. Per Roland Farrér ch'ha presidià 14 onns L'Associaziun Grischuna dals Pumpiers, datti in regal dal nov president. Bildquelle: RTR.
-
Bild 3 von 6. Roland Farrér dat giu il presidi da l'Associaziun Grischunda da Pumpiers, en la Federaziun Svizra dals Pumpiers resta el president. Bildquelle: RTR.
-
Bild 4 von 6. Buolf Armon Planta sa legra sin sia nova sfida sco president. Bildquelle: RTR.
-
Bild 5 von 6. Buolf Armon Planta è vegnì elegì unaniamamain dals delegads. Bildquelle: RTR.
-
Bild 6 von 6. Blers onns han els dus lavurà ensemen en suprastanza – ussa è vegnì il temp da dir adia. Bildquelle: RTR.
Planta ha ditg envers RTR ch’in dals accents ch’el veglia metter, saja la tschertga da novs pumpiers. Bain saja la cifra cun radund 4'000 persunas activas stabila en il Grischun, i dettia però vischnancas ch’hajan fadia d’occupar tut ils posts da pumpier. Sco exempel numna el tranter auter Samignun ch’haja fitg blers hotels e dovria uschia dapli pumpiers activs. En lieus nua ch’i saja grev d’occupar posts da pumpiers, sajan las taxas da cumpensaziun mintgamai autas. Cun augmentar las taxas ins possia bain carmalar ina u l’auter dapli da far servetsch da pumpiers. Ma impurtant saja ch’ins chattia era glieud motivada, uschia Planta.
I dovra lavur da sensibilisaziun
In problem vesa el tar la prontadad da firmas da laschar ir lur emploiads ed emploiadas en cas d’urgenza en il servetsch da pumpiers. Betg tut las firmas sajan uschè avertas e laschian bandunar temporarmain lur emploiads la plazza da lavur. Qua dovria quai anc lavur da sensibilisaziun en l’avegnir, ha ditg Planta.