Niculin Josty lavura anc fin la fin da november per l’interpresa, suenter banduna el quella. Actualmain è el responsabel per l’infrastructura da las pendicularas e vi da preparar l’enviern. Ad interim ha surpiglià Peter Engler la gestiun da la Bravuogn Filisur Turissem SA. La plazza da directur u directura è gia publitgada. Da diriger èn ils affars dal turissem e dals implants da sport che cumpiglian era la sutgera ed ils runals.
-
Bild 1 von 3. Peter Engler maina ad interim la Bravuogn Filisur Turissem SA. Bildquelle: RTR.
-
Bild 2 von 3. Daniel Rohrer è il president dal cussegl d'administraziun da la Bravuogn Filisur Turissem SA. Bildquelle: RTR.
-
Bild 3 von 3. Niculin Josty na maina betg pli la Bravuogn Filisur Turissem SA, lavura dentant anc fin la fin da november per l'interpresa en autra funcziun. Bildquelle: RTR.
Igl haja dà diversas annunzias. «Jau ma participesch als discurs. Nus avain gia gì divers, ed jau sper che nus sappian fin il pli tard l’avust co ch’i va enavant», ha ditg Engler. El è expert da pendicularas e turissem. Tranter auter ha el manà nov onns las pendicularas da Lai, ed ha era gidà las Pendicularas da Spleia Tambo SA a surmuntar la crisa. La strategia 2030 che vul rinforzar l’affar cun famiglias e glieud ch’è affina per viafiers, duess vegnir meglierada e manada vinavant. Quai ha ditg Daniel Rohrer, il president dal cussegl d’administraziun.