Sco quai che l’uniun Parc Ela scriva sin dumonda da RTR, saja il Parc Ela il mument vi da sclerir ils giavischs en la regiun. Il parc, l’agricultura e la hotellaria hajan grond interess, da pudair construir en il perimeter dal Parc Ela ina chasa da maz cun in manaschi d’elavurar la charn. Il Parc Ela sclereschia il mument ensemen cun partenaris relevants las diversas pussaivladads ch’i dettia, per realisar in project per il svilup regiunal. A partir da l’auter onn – probabel davent da la stad – duai la planisaziun vegnir concretisada.
Era a Tusaun datti in project
Gia pli enavant para d’esser in project a Tusaun. Tenor retschertgas dad RTR duai dar en la regiun da Tusaun ina nova chasa da maz. Tenor infurmaziuns d’in biro d’architectura ins saja il mument en contractivas cun possessurs da terren. Per betg periclitar quellas tractativas vegnia il mument betg communitgà davart detagls. Las tractativas duain esser a fin la fin d’october.
