Grischun Central - «Ils uffants na duain betg emprender ina lingua betg vivida» - Novitads

Grischun Central «Ils uffants na duain betg emprender ina lingua betg vivida»

Ella n’haja betg gì da pensar duas giadas, cura ch’ella saja vegnida dumandada dals iniziants dal Surses, sch’ella veglia era rimnar suttascripziun, per reintroducir il surmiran en scola populara a Lantsch. Quai ha ditg Rita Thöni, l’inizianta da l’iniziativa da la vischnanca Albula/Alvra.

Autur: Federico Belotti

«Igl ha adina disturbà mai che noss uffants ston emprender rumantsch grischun, ed era perquai che nossa regiun è la davosa ch’ha anc rumantsch grischun en scola, tut ils auters èn turnads tar l’idiom». Per ella saja il surmiran sia lingua mamma ed ella veglia tegnair el, ella veglia ch’ils uffants emprendian sia lingua e betg ina lingua che na vegnia betg discurrida.

audio

Saira: Lantsch/Alvra – Inizianta che vul abolir RG en scola declera l'intent

ord Actualitad dals 19.06.2019.

laschar ir. Durada: 3 minutas 21 Secundas.

Emprima votaziun pussaivla gia entaifer sis mais

Cura che las duas iniziativas van en votaziun n’è per il mument betg anc cler. Sche quellas èn valaivlas, alura ston las duas vischnancas laschar vuschar il pli tard entaifer 12 mais davart l'iniziativa.

RR actualitad 17:00