In conturn volatil e la liberalisaziun da la fiera d'electricitad portia differentas sfidas, ha Annemarie Bühler, suprastanta da Scharans e responsabla dal departament d'electricitad ditg en vers RTR.
Scharans cun bun 500 clients n'ha betg las capacitads per observar la fiera e porscher la qualitad necessaria.
Ina vischnanca sco Scharans cun bun 500 clients n'haja betg las resursas e las capacitads per observar la fiera e porscher la qualitad necessaria, resumescha Bühler in dals motivs per vender l'ovra d'electricitad Scharans.
Cun tut las midadas da lescha e novas regulaziuns saja quai daventà adina dapli er in burdi. Ils davos quatter onns ha la vischnanca nudà in deficit structural da passa in milliun francs.
Ina ovra che n'è nagina
«Las ovras d'electricitad Scharans èn atgnamain nagina ovras sco ch'il num suggerescha», di Bühler. Scharans haja las lingias e saja responsabla per il provediment. «Dentant han ins er quai surdà ils davos onns a la EWZ» e definì quai cun ina concessiun che scroda la fin dal 2027.
Ils abitants e las abitantas pon ussa quintar cun in pretsch per ura kilowatt sco las vischnancas vischinas.
Cun quel termin saja er stà cler per la suprastanza da chattar ina nova soluziun. Cun l'offerta da l'EWZ e cunquai ch'ins s'enconuscha hajan ins er chattà ina buna soluziun.
Tenor Annemarie Bühler surpiglia l'EWZ l'ovra electrica da Scharans per 1,589 milliuns francs ed ils abitants e las abitantas pon ussa quintar cun in pretsch per ura kilowatt sco las vischnancas vischinas.