Siglir tar il cuntegn

Header

Meds d'instrucziun en rumantsch grischun.
Legenda: Anc vegnan ils meds d'instrucziun en rumantsch grischun duvrads en il Surses ed en Val d'Alvra. MAD
cuntegn

Rumantsch grischun Davosa bastiun en scola pudess crudar

Las radunanzas communalas da Albula/Alvra e Lantsch vegnan a decider ils 12 da zercladur da quest onn davart las iniziativas che vulan abolir il rumantsch grischun en scola. Quai han las duas vischnancas confermà envers RTR.

Ils dus d’avrigl datti a Lantsch ina saira d’infurmaziun per la populaziun. Sche mo ina da las duas vischnancas di na, alura na vegn il surmiran betg reintroducì en scola. La presidenta dal cussegl da scola Gaby Ulber ha ditg, ch’els na sappian betg anc sch’ins veglia dar ina recumandaziun da votaziun. Actualmain sajan els anc vi d'elavurar il messadi da votaziun.

Surses n'ha anc nagin datum

En il Surses n’èsi betg anc cler, cura che l’iniziativa che vul abolir il rumantsch grischun va en votaziun. Il datum vegnia però fixà las proximas emnas, hai la vischnanca da Surses laschà savair.

Quest onn resta il status quo

Tant a Surses sco era en las vischnancas da Lantsch ed Albula/Alvra èsi cler, ch’il surmiran po vegnir introducì il pli baud sin l’entschatta da l’onn da scola 2021/22. Introducir l’idiom gia quest onn n’è per franc betg pussaivel, perquai ch'ins stuess anc translatar novs cudeschs da scola.

RTR novitads 17:00

Artitgels legì il pli savens

Nach links scrollen Nach rechts scrollen