Radons, en il territori da skis da Savognin, vala sco in dals pli bels lieus dad ir cun skis en il territori. Quest enviern, pervia da la naiv insuffizienta, n'han las pendicularas betg anc pudì avrir la pista che maina a Radons. Quest fatg ha era tangà las diversas ustarias da la regiun. Per quest motiv han ellas organisà dus dis da spalar naiv per cuvrir la pista en ils lieus nua che la naiv manca.
-
Bild 1 von 20. Anc datti in pèr lieus cun pauca naiv. Bildquelle: RTR.
-
Bild 2 von 20. Qua manca la naiv anc. Bildquelle: RTR.
-
Bild 3 von 20. La pista da Heidi è gia bain preparada. Bildquelle: RTR.
-
Bild 4 von 20. Lavur manuala è dumandada. Bildquelle: RTR.
-
Bild 5 von 20. In voluntari en acziun. Bildquelle: RTR.
-
Bild 6 von 20. Voluntarias e voluntaris e la scola da Savognin gidan a spalar naiv sin la pista. Bildquelle: RTR.
-
Bild 7 von 20. Niclà Pittet ha gì l'idea da dumandar il manader da scola da vegnir a gidar a spalar naiv. Bildquelle: RTR.
-
Bild 8 von 20. Las scolaras ed ils scolars han plaschair da gidar a spalar naiv. Bildquelle: RTR.
-
Bild 9 von 20. Tuts che sa gidan. Bildquelle: RTR.
-
Bild 10 von 20. Jörg Bühler è scolast da la scola superiura da Savognin – el fa gugent lavur voluntaria qua da manaivel da Tgeps. Bildquelle: RTR.
-
Bild 11 von 20. Voluntaris en acziun. Bildquelle: RTR.
-
Bild 12 von 20. Las ustarias Berghuus, Muntanela e Steil'Alva pateschan pervi da la pauca naiv. Bildquelle: RTR.
-
Bild 13 von 20. Rita Ballat ha gì mo paucs giasts en sia ustaria Muntanela a Radons fin ussa. Bildquelle: RTR.
-
Bild 14 von 20. Normalmain avess il Berghuus a Radons dapli giasts durant l'enviern. Bildquelle: RTR.
-
Bild 15 von 20. Malgrà pauca naiv, è Fadri Arpagaus, l'ustier dal Berghuus Radons, detg cuntent cun ils affars da quest enviern. Bildquelle: RTR.
-
Bild 16 von 20. Remi Trenkwalder, l'ustier da l'ustaria Tigia è led, ch'il territori da skis avra puspè e porta dapli giasts. Bildquelle: RTR.
-
Bild 17 von 20. Curdin Baltermia, il directur tecnic da las pendicularas da Savognin sa legra, ch'il territori da skis da Savognin po finalmain vegnir avert. Bildquelle: RTR.
-
Bild 18 von 20. La terrassa è vida – l'ustaria Steil'Alva è serrada pervi da la mancanza a naiv. Bildquelle: RTR.
-
Bild 19 von 20. La via da Radons – Tigignas è gia bain preparada. Bildquelle: RTR.
-
Bild 20 von 20. Grazia naiv tecnica pon ins ir cun ils skis fin a Savognin. Bildquelle: RTR.
L’idea da gidar a preparar la pista han gì las ustarias Muntanella, Steil’Alva, Berghuus e Tigia. Perquai che la pista fin a Radons n'era fin ussa betg anc accessibla, n'han els betg fatg ils medems affars sco auters onns cun dapli naiv.
Uschia han els gidà a spalar la naiv sin la pista, e quai là nua che las maschinas da far pista na pudevan betg spustar la naiv perquai ch’igl aveva memia pauca. Ussa èn puspè en funcziun ils runals da Radons – Tgeps – Piz Cartas, ed era la largia pista da Heidi è puspè averta.