Savognin - Scola da skis survegn chanuns da naiv moderns
La Scola da skis Savognin renovescha ses indrizs per ennavar a La Nars. Il mument vegn chavà ed installà il nov conduct d’aua. La fin da november duain las lavurs esser a fin. Ils custs da 950'000 francs surpiglian la scola da skis e la vischnanca da Surses.
Scola da skis Savognin survegn chanuns da naiv moderns
03:46 min, ord Actualitad dals 17.09.2022.
laschar ir. Durada: 3 minutas 46 Secundas.
Il nov indriz da far naiv vegn a nizzegiar l’aua dal reservuar existent sur la baselgia da Son Martegn. Gist dasperas il reservuar vegn installà ina tur cun in ventilatur che po sfradentar l’aua, uschia ch’ils chanuns da far naiv pon lavurar pli effizient. Sco quai che Lothar Künzli, il manader da la scola da skis da Savognin di, saja l’investiziun necessaria per pudair garantir er en futur in manaschi en il paradis da skis per uffants a Savognin.
Cun automatisar l’indriz saja necessaria mo pli pauca lavur manuala. Cun ils novs chanuns da far naiv daventia er pussaivel da far naiv cun temperaturas pli autas, ed er giaja tut pli spert ch’enfin ussa. Plinavant saja da quintar da duvrar 1/3 pli pauca energia ch’enfin qua cun ils indriz moderns.
1 / 12
Legenda:
Lothar Künzli, il manader da la scola da skis da Savognin sa legra sin ils novs indrizs da far naiv.
Federico Belotti
2 / 12
Legenda:
I vegn chavà a Savognin.
Federico Belotti
3 / 12
Legenda:
Gianni Carisch ch'è qua vi dal chavar è l'enviern il schef dals indrizs da far naiv.
Federico Belotti
4 / 12
Legenda:
L'aua per la naiv tecnica deriva da quest reservuar sur la baselgia da Son Martegn.
Federico Belotti
5 / 12
Legenda:
Dasperas il reservuar vegn installada ina tur che po grazia in ventilatur sfradentar l'aua.
Federico Belotti
6 / 12
Legenda:
I vegn chavà per las novas lingias d'aua.
Federico Belotti
7 / 12
Legenda:
Qua sur La Nars vegn installada ina pumpa d'aua a pressiun auta.
Federico Belotti
8 / 12
Legenda:
Il foss per ils bischels d'aua.
Federico Belotti
9 / 12
Legenda:
Il tumbin d'aua existent vegn spustà per in per meters ed el survegn era in bischen nov cun ina pli auta capacitad d'aua.
Federico Belotti
10 / 12
Legenda:
La lingia d'aua vegn installada.
Federico Belotti
11 / 12
Legenda:
Qua vegn anc installada ina pumpa d'aua a pressiun auta.
Federico Belotti
12 / 12
Legenda:
Vista sin las lingias che vegnan chavadas, da maun sanester è da vesair La Nars, nua ch'i vegn il mument fatg in nov glatsch e plazzas da tennis.
Federico Belotti
