En in'acziun bain preparada èn var 1'100 salmelins canadais e 1'400 litgivas d'aual vegnidas mess or en divers lais da muntogna. L'acziun pretenda diligenza e precisiun. Ils peschs vegnan transportads en satgs da plastic cun aua ed oxigen. Ils peschs èn naschids il favrer – e fin ch’els èn gronds e pon vegnir pestgads dura quai radund trais onns.
Strategia dal chantun promova la pestga
La strategia d'occupaziun vegn fixada dal Chantun e sa basa sin analisas precisas da las auas e sin la statistica da pestga. En media vegnan mess ora tranter 300 e 400 peschs per lai, ha ditg il survegliader da pestga da Giuvaulta Curdin Meiler. «La collavuraziun funcziuna fitg bain», sa legra Meiler. Questa cooperaziun na promovia betg mo l’effectiv da peschs, mabain rinforzia era l’engaschi per la pestga en la regiun.
-
Bild 1 von 12. Peschs per ils lais alpins dal Surses. Bildquelle: RTR.
-
Bild 2 von 12. Quests peschs èn per il Lai Grond. Bildquelle: RTR.
-
Bild 3 von 12. Ils peschs na vegnan betg dumbrads, mabain pasads. Bildquelle: RTR.
-
Bild 4 von 12. Curdin Meiler dal chantun (dretg) surdat ils peschs per il Lai Grond. Bildquelle: RTR.
-
Bild 5 von 12. Peschs pronts per far il viadi tar ils lais alpins dal Surses. Bildquelle: RTR.
-
Bild 6 von 12. Sin il viadi en Val d'Err. Bildquelle: RTR.
-
Bild 7 von 12. Ils 9 da fanadur hai in zic naiv sin via vers il Lai Grond. Bildquelle: RTR.
-
Bild 8 von 12. In toc èsi anc dad ir fin tar il Lai Grond. Bildquelle: RTR.
-
Bild 9 von 12. Phil Steffen (sanester) e Walter Candreia da l'uniun da pestgaders Surses. Bildquelle: RTR.
-
Bild 10 von 12. Walter Candreia tar il Lai Grond. Bildquelle: RTR.
-
Bild 11 von 12. Phil Becker tar il Lai Grond. Bildquelle: RTR.
-
Bild 12 von 12. Walter Candreia (sanester) e Phil Becker da l'uniun da pestgaders Grischun. Bildquelle: RTR.
Uniun da pestga Surses collavurescha cun il chantun
In dals voluntaris che gida regularmain a metter ora peschs en lais da muntogna è Walter Candreia. El è commember da l’uniun da pestga dal Surses, e manader da la redacziun dal «Pestgader grischun» e dal «Chatschader grischun». El è persvas dad uschè acziuns.
Jau fatsch quai ord persvasiun, perquai ch'jau di, che nus stuain mantegnair la pestga dals lais alpins, promover quella pestga
Uschia survegnian ils pestgaders plaschair d’ir sin ils lais alpins. Quai saja flot per la sanadad. Plinavant saja l'atmosfera sin quels lais unica, uschia Walter Candreia.
Adattà al tema
La populaziun dals peschs è en tut il chantun in tema. Per part èn las cifras pauc bunas, sco per exempel en Engiadin'Ota: Entaifer paucs onns è sa diminuida la cifra dals peschs en l'aual da Sax tranter Samedan e Bever per 70%. Ina renatiralisaziun da l'aual duai frenar quel svilupp.