L’armada haja l’intent da defender. E per pudair defender saja indispensabel ch'ils caders sappian tge effect che las diversas armas da terren han, ha l'armada svizra communitgà. Perquai ha l'armada infurmà durant in'emna sin la plazza da tir a Valragn davart tut ils sistems da terren relevants – da la pistola sur mitraglias, bittaminas fin a chars armads, sco panzers. Pliras 100 persundas dal cader sajan stadas preschentas a la preschentaziun.
Vesair l'effect cun ils agen egls
Las participantas ed ils participants n'han betg mo pudì experimentar cun ils sistems en in culp dir, mabain er observar cun agens egls tge che capita, sche vehichels, satgs da sablun, mirs u autras finamiras vegnan tutgadas.
-
Bild 1 von 14. Marco Anrig, il cumandant dal center da furmaziun da l'armada svizra, è cuntent cun l'acziun da l'emna passada. Bildquelle: RTR.
-
Bild 2 von 14. Marco Anrig, colonel dal stab general da l'armada svizra. Bildquelle: RTR.
-
Bild 3 von 14. Recruts en montura da cumbat. Bildquelle: RTR.
-
Bild 4 von 14. L'intent da l'acziun era da far vesair e documentar ils donns da las armas. Bildquelle: RTR.
-
Bild 5 von 14. Donn d'in char armà da vesair sin ina platta d'atschal. Bildquelle: RTR.
-
Bild 6 von 14. Pliras tschient persunas han visità l'acziun «Reloaded 25». Bildquelle: Armada Svizra.
-
Bild 7 von 14. Recruts en acziun. Bildquelle: Armada Svizra.
-
Bild 8 von 14. Donns vi d'in auto suenter sajets. Bildquelle: RTR.
-
Bild 9 von 14. Donns suenter in'attatga. Bildquelle: RTR.
-
Bild 10 von 14. Durant l'acziun. Bildquelle: Armada Svizra.
-
Bild 11 von 14. Durant l'acziun. Bildquelle: RTR.
-
Bild 12 von 14. In auto suenter l'acziun da cumbat. Bildquelle: RTR.
-
Bild 13 von 14. In char armà. Bildquelle: RTR.
-
Bild 14 von 14. L'acziun è ida a fin il venderdi suentermezdi ils 17 d'october. Bildquelle: RTR.
Al lieu sajan stads primarmain persunal professiunal militar ed uffiziers or dals stabs da las diversas associaziuns da l’armada.
Las demonstraziuns da las diversas armas en acziun sajan plinavant vegnidas registradas a moda audiovisuala. Questas registraziuns duain en l'avegnir vegnir integradas sco part dals documents per scolaziuns electronicas – tranter auter per visualisar il reglament che vala per l'utilisaziun dals divers tips d'armas.