En il focus stat oz il project chantunal per in nov campus per la Scola auta spezialisada dal Grischun a Cuira. Per realisar quel vul il chantun dar 151 milliuns francs. Il Cussegl grond ha approvà quel senza cuntravusch, ed era tut las partidas èn d'accord.
Communal
A Cuira vai era per il futur da la Stadthalle, ed il futur da l'energia persistenta. Per l'ina votescha il suveran da la chapitala davart ina contribuziun annuala da radund in mez milliun francs per la nova halla da la citad, per l'autra duai il project per chalur e fradaglia a distanza da l'IBC survegnir 80 milliuns sustegn.
En l'Engiadina decidan ils da San Murezzan sur da la nova lescha davart l'organisaziun turistica, cunquai che la vischnanca ha decis da bandunar la destinaziun turistica da l'Engiadin'Ota. Plinavant vai per credits per abitaziuns per indigens e nova infrastructura dal campadi. E la planisaziun locala duai vegnir revedida per pudair bajegiar in segund lai da fermada en il territori da skis Corviglia/Marguns.
En la Surselva decidan ils da Flem davart ina revisiun parziala dal plan da zonas, per in nov lieu da rimnada ed ina centrala d'energia, sco era davart ina midada da la planisaziun locala per bajegiar dapli abitaziuns per indigens.
Tge che marscha uschiglio anc sin nivel communal chattais qua:
Naziunal
I na dat naginas votaziuns federalas oz. Il proxim termin per votaziuns federalas è ils 18 da zercladur 2023. L'october 2023 spetga lura l'elecziun da las represchentantas ed ils represchentants per il Cussegl naziunal ed il Cussegl dals chantuns.