Scolas medias privatas - Promover dapli il rumantsch ed il talian
En il rom da las incaricas da prestaziun 2021–2024 per las scolas medias privatas dal Grischun – oblighescha la regenza las scolas da realisar ulteriuras mesiras per promover il rumantsch ed il talian.
Sco il chantun scriva – duain las otg scolas resguardar en spezial la realitad linguistica da la regiun, nua che la scola sa chatta mintgamai.
Las otg scolas medias privatas cun incaricas da prestaziun èn:
Avrir la boxSerrar la box
Academia Engiadina
Scola media evangelica Schiers
Gimnasi ed internat claustra da Mustér
Scola media spezialisada e commerziala dal Center da furmaziun Surselva
Institut Otalpin Ftan
Lyceum Alpinum Zuoz
Scola media svizra alpina Tavau
Fundaziun gimnasi da sport Tavau
Sco quai che la regenza scriva è la Scol'auta da pedagogia a Cuira il mument vid elavurar in concept per in «Center da linguas». Quel vegn ad organisar curs da lingua tranter auter per rumantsch e per talian – ed introducir il certificat da lingua per il rumantsch. Las scolas medias vegnian integradas en questa lavur da concept, hai num en la communicaziun.
Per promover il rumantsch è la Scola chantunala plinavant vid sviluppar in project d'emprender sin distanza. Uschia duessan elements d'instrucziun da la Scola chantunala era esser accessibels per las scolas medias privatas, cun agid d’instruments digitals.
