Siglir tar il cuntegn

Sedrun Mustér Turissem Nicole Weber daventa nova mainafatschenta

L'organisaziun Sedrun Mustér Turissem ha ina nova mainafatschenta. Num ha ella Nicole Weber. Sco quai che l'organisaziun scriva surpiglia Weber sia nova incumbensa il fanadur da quest onn.

Nicole Weber wird neue Geschäftsführerin von Sedrun Disentis Tourismus.
Legenda: Nicole Weber: la nova mainafatschenta da Sedrun Mustér Turissem. LINKEDIN

Nicole Weber ha avant lavurà tar la Chasa da traffic a Lucerna. Là è ella stada engaschada en differents secturs – il davos ha ella per exempel manà il servetsch da visitaders e visitadras. Ella ha pia pudì rimnar experientscha sco persuna directiva.

Tenor la communicaziun da Sedrun Mustér Turissem vegn l'incumbensa principala da Weber ad esser da sviluppar vinavant la strategia Andermatt-Sedrun-Mustér. Tranter auter duai l'experientscha dals osps vegnir optimada.

RTR novitads 11:00

Artitgels legids il pli savens