Siglir tar il cuntegn

Header

video
Tipps per spargnar energia da l'expert
Or da Telesguard dals 21.10.2022.
laschar ir. Durada: 4 minutas 28 Secundas.
cuntegn

Spargnar energia Quai èn ils gronds «magliacurrents» a chasa

Barschun da dents electric, favugn, far or cun il fier la chamischa e laschar or in café... Gia a partir da la damaun baud duvrain nus apparats electrics ed el decurs dal di vegnan adina daplirs vitiers. Radund in terz dal consum d'electricitad en Svirza vegn duvrà en il tegnairchasa.

Co pon ins spargnar il pli effizient energia en il mintgadi? Claudio Cadruvi ha insaquants tips. Gia cura che l'expert arriva spargna el energia, cun ir a pe empè da prender l'ascensur. «Sche tuts fan quai en chasas cun pliras abitaziuns spargna quai insaquants tschient francs sur l'entir onn».

audio
Tips da l'expert per spargnar energia a chasa
ord Actualitad dals 21.10.2022. Maletg: RTR
laschar ir. Durada: 2 minutas 35 Secundas.

Auters tips èn:

  • Lavar be maschinas da resti plainas e sche pussaivel cun il programm dad eco.
  • Desister dal tumbler la stad cura ch'ins po sientar il resti.
  • Guardar in zic pli pauc televisiun e tar televisiuns pli veglias che 10 onns trair ora da la biscla sch'ins na guarda betg.
  • Reducir la temperatura dal stgaudament per in fin dus grads, u era pli fitg en stanzas ch'ins na dovra betg savens.
  • Adina stizzar la glisch en stanzas nua ch'ins n'è betg.
  • En cuschina dovran ins il pli bia energia, perquai per exempel adina tschentar or la maschina da café suenter avair laschà vegnir or in café ubain duvrar in zic pli pauc il furnel.

Cun resguardar questas mesiras èsi pussaivel da spargnar radund 1'500 uras kilowatt. Quai èn radund in terz da quai ch'in dachasa da duas persunas dovra normalmain en in onn.

RTR Telesguard 17:40

Artitgels legids il pli savens