En trais onns han lieu a Cuira ils Special Olympics d'enviern, in'occurrenza da sport per persunas cun in impediment – en tut vegnan spetgads passa 2'500 atletas e atlets. Ina che vul sa participar è Silja Horber. L'onn passà ha ella gudagnà aur en il patinadi artistic, la suletta persuna cun ina paralisa celebrala che ha dumagnà quai.
Blessuras vid il tscharvè tar la naschientscha chaschunan tar Silja Horber tranter auter problems cun la ballantscha e musculs endirids da la vard sanestra.
Ils Special Olympics èn per persunas cun in impediment cognitiv. Igl è sport en il mintgadi, schess jau – moviment, plaschair da sa mover.
Pervia da ina blessura en il tscharvè da la naschientscha ha Silja Horber tranter auter difficultads cun la balantscha e musclas diras da la vard sanestra. Igl haja er duvrà bler lavur, fin ch'ella è stada l'emprima giada sin patins che ella sa far part als Special Olympics saja pervia da quai ina gronda onur per ella.
Malgrà sia medaglia d'aur na sa chatta ses focus, ed il focus da l'occurrenza en general, betg sin la prestaziun sportiva, mabain sin la cuminanza e l'inclusiun.
Pervia da quai na saja ella er betg ina paratleta, mabain ina atleta dals Special Olympics, declera Silja Horber. Tgi ch'è dentant in paratlet è Philipp Handler. Il sprinter oriund da Turitg è sa participà pliras giadas als Paralympics ed ha gudagnà medaglias a campiunadis mundials.
Cunquai ch'i sa tracta d'in sport d'elita datti qua categorias pli cleras, tut tenor impediments. Tar Philipp Handler è quai in impediment da la vesida. Ils Paralympics han era lieu gist suenter ils gieus olimpics, ed atletas ed atlets ston sa qualifitgar per pudair cumbatter per ina medaglia.
Nus collia la passiun, la voluntad da daventar meglier, da lavurar en sasez ed alura natiralmain il plaschair vi dal sport.
Che la differenza tranter questas duas occurrenzas n'è betg adina clera, lez senta er il president da Swiss Paralympics, Christoph Baer. Tenor el dovri dapli scleriment. «Jau sent bler confusiun e malsegirtad – qua datti anc potenzial per scleriment», di Christoph Baer.
La passiun per il sport, la gnervusitad avant l'occurrenza ed il plaschair da gudagnar datti dentant tar tut las occurrenzas – tar ils Special Olympics, ils paralimpics ed ils gieus olimpics.