Tut las pendicularas ed ulteriurs implants da transport, ils bajetgs e l'infrastructura turistica da l'Arena Alva Pendicularas SA duai vegnir cumbinada cun ils indrizs d'ennavaziun a la «Finanz Infra SA» che tutga alura a las trais vischnancas.
Sco las trais vischnancas communitgeschan ensemen cun l'Arena Alva, sustegnia l'interpresa la proposta. Sco interpresa indigena veglia ella restar responsabla per la gestiun dal territori da skis Laax.
Las contractivas tranter l'interpresa e vischnanca duain esser a fin en intginas emnas e la populaziun duai vegnir infurmada enfin la fin da settember.
La fin da l'october votescha il suveran da las vischnancas davart la fatschenta. Ils da Falera e Laax a la radunanza communala, ils 23, respectivamain ils 24. A Flem vegn decis a l'urna, ils 26 d'october.
Novitads, eveniments ed istorgias localas. Tut tge che curra e passa en la Surselva chattais vus qua.