Ils organisaturs èn stads cuntents cun l'inscunter da var 350 vehichels. Dal showcar fin al vehichel original è tut stà represchentà – en il center è stà la passiun cuminaivla per autos. Tar l'inscunter dad autos èn sa radunads tranter 350 e 400 vehichels.
Impressiuns da la sonda vargada
-
Bild 1 von 4. Bildquelle: RTR.
-
Bild 2 von 4. Bildquelle: RTR.
-
Bild 3 von 4. Bildquelle: RTR.
-
Bild 4 von 4. Bildquelle: RTR.
L'atmosfera saja stada fitg empernaivla, di Dario Fontana, in dals trais organisaturs. Incaps n'haja betg dà. La polizia saja mo curt stada preschenta.
Per gronda part è la glieud sa depurtada bain.
La scuntrada ha purschì ina gronda varietad: autos da tut gener, visitadras e visitaders giuvens e vegls.
Era vehichels senza midadas sajan stads bainvegnids – il plaschair vi da l'auto saja stà il principal.
I fascinescha ch’i collia differentas generaziuns. Mintgin ha ses agen gust e sia atgna fantasia. Uschia pon ins mussar ina vart che fiss uschiglio zuppada.
Ins saja gia vid planisar ina ulteriura scuntrada l'onn proxim – forsa perfin gia l'atun da quest onn. Ina data exacta n'è dentant anc betg fixada.