Siglir tar il cuntegn

Header

Quest bajetg vegn anc a restar vit in temps
Legenda: Quest bajetg vegn anc a restar vit in temps RTR
cuntegn

Mustér Dretgira conferma recurs encunter Acla da Fontauna

L’uniun Helvetia Nostra fa recurs encunter il project da l’Hotel Acla da Fontauna a Mustér. Dacurt ha la dretgira administrativa dal Grischun retschavì la protesta, sco il derschader d’instrucziun (responsabel per il cass) Urs Meisser (ha confermà ad RTR. La protesta è drizzada encunter il possessur da l'Acla da Fontauna, la Immo Invest Partner SA.

Helvetia Nostra vul impedir che questa firma bajegia abitaziuns secundaras sin l’areal da l'Acla da Fontauna. Quai ha la presidenta Vera Weber gì detg ad RTR ed annunzià ch’els fetschian recurs, perquai ch’il project prevesia da construir 30 abitaziuns secundaras.

Ils 28 da favrer aveva la vischnanca da Mustér concedì la lubientscha da bajegiar per il project Acla da Fontauna. Quest recurs e surtut, sche Helvetia Nostra giess fin a Losanna al tribunal federal (en cass che la dretgira administrativa dal Grischun renviescha il recurs) vegn a retardar fitg il project.

RTR novitads 15:00

Artitgels legids il pli savens

Ir a sanester Ir a dretg