Siglir tar il cuntegn

Header

video
Perscrutar il Rain per eruir la diminuziun da peschs
Or da Telesguard dals 01.11.2022.
laschar ir. Durada: 3 minutas 2 Secundas.
cuntegn

Pli e pli paucs peschs Il Rain Alpin – in pazient intensiv

Pli baud valeva il Rain Alpin sco ina dals megliers flums da litgivas en l’entira Europa. Fin l’entschatta dals onns 80 valeva il Rain sco flum cun ina populaziun extraordinaria da peschs che carmalava pestgadras e pestgaders da dapertut enturn per ir a la pestga en Surselva. Oz è il Rain be anc ina sumbriva da ses megliers temps. Tenor la statistica da pestga ch'è vegnida instradada il 2002 èn las tschiffadas idas enavos sin in tschintgavel d’avant 20 onns.

Perscrutar ils motivs per la digren

Il chantun ha incumbensà l’institut Hydra da Constanza da perscrutar il Rain. Durant trais onns vegn empruvà da chattar ora co ch'i va cun ils peschs e daco che la populaziun è sa reducida talmain.

En tutta cas èsi nairas uras! I na po betg esser ch'ins be mira e na reagescha betg. Ins sto dentant era savair daco che la populaziun è sa sminuida. Or da quest motiv faschain nus questa perscrutaziun.
Autur: Roland Tomaschett guardiapestga

Per chattar las raschuns per ils paucs peschs èsi en in emprim pass vegnì pestgà giu differents tocs dal Rain tranter Glion e Sedrun cun electricitad ed ils peschs tschiffads vegnan intercurids en in labor. Ils resultats duain gidar dad eruir ils problems, dentant er da sviluppar mesiras da renovaziun.

RTR Telesguard 17:40

Artitgels legids il pli savens

Scrollar a sanestra Scrollar a dretga