A Cumpadials duai dar in'ovra idraulica. La radunanza communala da la vischnanca da Sumvitg ha approvà il project ed in credit dad 1,8 milliuns francs per mauns da la votaziun a l'urna.
Er ad in credit supplementar da 195'000 francs per il project da sanaziun dal provediment d'aua Laus ha la radunanza communala ditg Gea. Ed er la midada dal project Crappa Grossa cun il credit da 145'000 francs ha la radunanza communala approvà.
