L’aura a Sedrun è stada buna ed era l’atmosfera era quai. Uschia han la gronda part da las aspectaturas ed ils aspectaturs giudì l’eveniment sportiv. Atgnamain na fiss quai betg stà lubì da esser en l’arrivada, ma las ustarias en il conturn n’han betg pudì vegnir serradas ed uschia è quai tuttina stà in ir e vegnir.
Sco adina ha il Tour de Suisse attratg blers fans dal sport da velo da l’entria Svizra. Uschia han ins pudì udir persunas a discurrer talian u era franzos, lura ollandais e tudestg e fitg blers han fatg lur viadi a Sedrun sez cun velo.
Ils proxims dis èsi era da quintar cun bler traffic
Il Tour de Suisse cuntinuescha. Uschia vegn partì la sonda da Sedrun cunter l’ura sur il pass Alpsu. La dumengia vegn alura anc ina giada traversà Tujetsch, Mustér e la Val Medel sin l’ultima etappa che maina dad Andermatt sur l'Alpsu, il Lucmagn ed il Gottard enavos ad Andermatt.
