-
Bild 1 von 4. Currer per quellas e quels che pateschan d'ina malsogna. Bildquelle: RTR.
-
Bild 2 von 4. Las emprimas persunas han cumenzà a Glion. Bildquelle: RTR.
-
Bild 3 von 4. Ramona Cathomas, l'ergoterapeuta ha mess en pe l'acziun da solidaritad. Bildquelle: RTR.
-
Bild 4 von 4. Bildquelle: RTR.
Curridras e curriders ambiziunads pon sa mesirar a Glion e mussar tgi ch'ha la meglra furma da primavaira, quai u sin ina distanza da 6,6 kilometers ubain 13,2 kilometers tras ed enturn la citad da Glion. Sper questas disciplinas èsi però er pussaivel per uffants e scolars da sa mesirar, da ir a la partenza sco team ubain cun la festa da nordic walking.
Acziun da solidaritad per persunas pertutgadas da malsognas
Quest onn datti er in'acziun da solidaritad per tut quellas e quels ch'èn pertutgads d'ina malsogna sco long-Covid ubain il sindrom da fatigue ch'impedescha da far part ad in mintgadi usità nundir da far part ad ina concurrenza da currer. L'ergoterapeuta Ramona Cathomas è organisatura da l'acziun da solidaritad che duai far attent a tut quellas e quels en Surselva ch'han da cumbatter cun talas malsognas.
A Glion vai però betg be per prestaziuns e buns temps mabain er per s'inscuntrar e giudair culinarica vi dals differents stans ubain sautar tar la musica.
Ils Cuntrasts han accumpagnà Myriam Egli da Sagogn che patescha dapi onns da long-Covid.