Siglir tar il cuntegn

Header

cuntegn

Vischnanca da Mustér Cussegl da vischnanca approva preventiv 2021

La vischnanca da Mustér quinta l'onn che vegn cun in surpli d'in quart milliun francs. Il cussegl da vischnanca ha approvà il venderdi saira unanimamain il preventiv 2021 suenter far pliras adattaziuns.

Tranter auter ha il parlament augmentà la contribuziun a l'Ospital regiunal Surselva en vista a la situaziun da corona per 55'000 francs. En il preventiv da l'onn 2021 ha la suprastanza communala decis da resguardar supplementarmain custs da 301'000 francs per reparar ils donns da las malauras da l'october 2020. La finala quinta Mustér l'onn che vegn cun expensas da passa 16 milliuns francs. Il pe da taglia resta tar 120% da la taglia chantunala simpla.

Ord l'archiv:

La fin da settember han ils da Mustér ditg Gea ad in credit per renovar il center da sport, Center Fontauna.

video
Votaziuns communalas a Mustér, Scuol e Tavau
Or da Telesguard dals 27.09.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga