Siglir tar il cuntegn

Header

cuntegn

Vorab e Madrisa Ovras solaras a Laax e Claustra èn in pass vinavant

L'implant solar planisà a Laax è in pass vinavant. Encunter la dumonda da bajegiar n'haja dà nagina protesta – quai conferma la Repower SA sin dumonda da la Somedia. L'interpresa d'energia grischuna quinta enfin avrigl u matg cun la lubientscha da bajegiar. L'ovra da Laax è planisada cun radund 150'000 meters quadrats e duai furnir radund 12 uras gigawatt electricitad per onn.

La radunanza communala da Laax ha approvà il zercladur passà cun gronda maioritad il project da construir ina ovra solara sin il Vorab:

Ed era cunter l'ovra planisada da la Repower a Claustra n'haja dà nagina protesta. L'implant en la regiun da Madrisa è planisà sin radund 150'000 meters quadrats e duai producir bun 18 uras gigawatt per onn.

Il suveran da Claustra ha approvà l'october passà la construcziun e concedì in credit per contribuir a 34% dal chapital d’aczias da la societad da l'ovra. Cun quai veglia la vischnanca cundecider en dumondas strategicas e profitar d’eventualas dividendas.

Il squitsch è grond, perquai che minimum 10 % dal implant ston producir electricitad sin la fin da l'onn 2025 per pudair profitar da las subvenziuns federalas.

Or da l'archiv:

video
Solarexpress – tgi gudogna, tgi perda?
Or da Cuntrasts dals 21.05.2023.
laschar ir. Durada: 26 minutas 2 Secundas.

RTR novitads 06:00

Artitgels legids il pli savens