Remarcabel saja tenor la pledadra da medias dal TCS Vanessa Flack, ch'igl haja er durant il fanadur ch'è quest onn stà plitost bletsch dà nagina rusna d'osps.
Insaco èn ils campers resistents a l'aura.
Ils campers possian er s'occupar sche l'aura na saja betg uschè buna. Tgi che fetschia vacanzas saja gugent en la natira. Quai possia esser ina raschun pertge ch'ils campadis dal TCS en il Grischun sajan fitg populars, quels sajan fitg datiers a la natira. Er durant undas da chalira sajan las muntognas grischunas ina destinaziun attractiva per mitschar da las suadas en la Bassa.
Forsa han quels da la Bassa vulì mitschar in zic la chalira ed han perquai tschertgà destinaziuns in zic pli frestgas en las muntognas.
La gronda part dals osps sin ils campadis grischuns sco era en l'entira Svizra – èn Svizzers e Svizras, di Vanessa Flack.