Siglir tar il cuntegn

Header

video
Roman Rüegg: «Nagins disturbis da traffic gronds»
Or da Actualitad dals 02.04.2021.
laschar ir. Durada: 1 minuta 36 Secundas.
cuntegn

Traffic da Pasca Strusch disturbis sin vias envers sid

Vias vidas: in maletg ch'ins na vesa normalmain betg durant ils dis da festa. Il traffic tutga tar questa fin d'emna sco la lieur da Pasca. Auter vesi or quest onn. Tenor la Polizia chantunala dal Grischun n'hai dentant dà nagins disturbis da traffic.

Malgrà corona: Er quest onn hajan las autoritads quintà cun varsaquants e varsaquantas che van vers sid. Tenor il pledader da medias da la Polizia chantunala grischuna, Roman Rüegg, sajan er blers ids en viadi. Surtut la gievgia saira sajan blers autos stads sin via. Disturbis da traffic n'hai dentant betg dà.

Tenor Roman Rüegg stoppian ins surtut quintar il glindesdi da Pasca cun colonnas sin via. Dad ina vart turnan ils osps dal Tessin a chasa. Da l'autra vart va la glieud ch'era en Grischun en vacanzas enavos giu la bassa.

Gottard: bunamain naginas colonnas

Las colonnas al tunnel dal Gottard èn bunamain schon ina tradiziun. Sin il traject dal Gottard passa il traffic normal – en tut las duas direcziuns. Mo sur mezdi hai dà ina colonna da var in kilometer.

La gievgia saira, curt suenter las 14:30 hai dà ina colonna davant il portal dal nord dal tunnel dal Gottard. La colonna saja fin saira stada var trais kilometers lunga.

Webcam al portal dal nord dal Gottard (10:20)
Legenda: Il venderdi sontg eran la via al Gottard per part bunamain vida: Webcam al portal dal nord dal Gottard (10:20). MAD / TCS

Sin suandants tschancuns vegn quintà cun bler traffic:

  • Spiez – Kandersteg
  • Gampel – Goppenstein
  • Brunnen – Flüela
  • Raron – Brig
  • Bellinzona – Locarno
  • vias principalas en direcziun dals territoris da skis en la Part Sura Bernaisa, il Tessin, il Vallais ed il Grischun

Era da quintar cun temp da spetga èsi tar las staziuns per transportar l'auto cun il tren. Quai pertutga il tunnel dal Vereina, sco er al Furca ed al Lötschberg.

RTR actualitad 11:00

Artitgels legids il pli savens