Siglir tar il cuntegn

Header

Legenda: RTR
cuntegn

La Svizra è clamada a l'urna Votaziun davart tgira, giustia e danovamain Covid-19

Il Cussegl federal ha decis che trais fatschentas èn madiras per la votaziun a l'urna:

Iniziativa da tgira

L’iniziativa inoltrada l'onn 2017 pretenda che la Confederaziun ed ils chantuns promovan la tgira sco element impurtant dal provediment da sanadad en Svizra. I duai dar avunda persunal qualifitgà, las cundiziuns da lavur duain vegnir regladas e las clamadas duain esser attractivas.

Per il Cussegl federal va l’iniziativa memia lunsch. El ha elavurà ina cuntraproposta indirecta che vul surtut promover la scolaziun e furmaziun. Quella cuntraproposta va en vigur sch’il pievel refusa l’iniziativa.

Iniziativa da giustia

L’iniziativa inoltrada l'onn 2019 pretenda che derschadras e derschaders federals vegnan elegids cun trair la sort. Uschia na fissan els betg liads vid partidas politicas e lur neutralitad garantida. Ordavant faschess ina cumissiun ina preselecziun tenor criteris persunals e professiunals.

Lescha da Covid-19

Igl è la segunda votaziun davart la lescha da Covid-19: Ils 13 da zercladur 2021 ha il suveran gia acceptà quella cun 60% da las vuschs. Uss hai danovamain dà in referendum – quella giada cunter las adattaziuns ch’il parlament ha fatg il mars 2021 en la lescha. Sper agids finanzials ed il contact tracing stat surtut l’introducziun dal certificat da Covid-19 en il focus.

RTR votaziuns 2021

Artitgels legids il pli savens

Scrollar a sanestra Scrollar a dretga