La gruppa «Freiheitliche Bewegung Schweiz» ha tenor atgnas indicaziuns rimnà 140'000 suttascripziuns per ina iniziativa dal pievel. Necessari fissan 100'000. Las vuschs n'èn però anc betg autentifitgadas e l'iniziativa n'è anc betg vegnida inoltrada. Il termin da rimnada cuzzas anc fin il prim da zercladur 2022.
L'iniziativa pretenda ch'il principi da l'integritad corporala vegnia schlargià en la constituziun e ch'i na dastgia betg dar dischavantatgs socials u professiunals ch'ina persuna refusa la vaccinaziun. La lescha d'epidemia svizra, ch'è vegnida approvada da la populaziun il 2016, n'econuscha actualmain nagin obligatori da vaccinar. Il Cussegl federal po però relaschar in tal per persunas ordvart periclitadas.
