55 cents per aczia - UBS augmenta dividenda per 10% - Novitads

55 cents per aczia UBS augmenta dividenda per 10%

Autur: SDA / Livia Caduff

La banca UBS ha annunzià da vulair pajar pli autas dividendas als acziunaris. Per quest onn da fatschenta proponia ella da pajar 55 cents per aczia, ha communitgà la banca gronda. Quai èn 10% dapli che l’onn passà. Las reservas latiers vegnian adattadas.

Il medem mument cumpria la banca stedi enavos atgnas aczias. Ella quinta da cumprar enavos quest onn dapli che planisà, numnadamain passa 5 milliardas dollars. Fin ils 9 da settember ha la banca cumprà enavos aczias per passa 4 milliardas dollars. Fin il 2024 vul la UBS cumprar enavos aczias nominalas per totalmain enfin 6 milliardas.

Cun cumprar enavos aczias crescha il gudogn per aczia, cunquai ch’il gudogn sa reparta silsuenter sin damain aczias. Per quest motiv po er la dividenda per aczia crescher. Tut quai porta a la firma cifras «pli bellas» – quai sa numna «sustegnair il curs».