Siglir tar il cuntegn

Header

cuntegn

6 da zercladur Traffic public mida puspè sin urari normal

Trens e bus curseschan davent ils 6 da zercladur per gronda part puspè tenor l'urari normal en l'entira Svizra. Quai communitgeschan diversas interpresas dal traffic public. En spezial trens da panorama turistics, pendicularas e bastiments curseschan puspè. Infurmaziuns sajan da chattar sin l'urari online.

Davent dals 8 da zercladur metta er la Viafier retica puspè a disposiziun tuttas purschidas turisticas e davent ils 20 da zercladur è er il Glacier Express puspè en circulaziun normala.

Purtar mascras

Ils manaschis dal traffic public cusseglian plinavant a la clientella da purtar mascra sch'ins na vegnia betg da tegnair en la distanza da 2 meters. I vegn era supplitgà da cumprar bigliets online u a l'automat e da pajar sche pussaivel cun charta.

Ord l'archiv

Conducturs ston, passagiers dastgan – paucs portan però ina mascra en ils trens da la Viafier retica, il pli pon las distanzas tranter passagiers dentant il mument anc vegnir garantidas.

RTR novitads 15:00

Artitgels legids il pli savens

Scrollar a sanestra Scrollar a dretga