Siglir tar il cuntegn

Header

cuntegn

Affera Raiffeisen Ambient d’in advocat da Vincenz duai avair profità da sponsoring

Curt avant ch’il process cunter Pierin Vincenz cumenza, vegn ina colliaziun dispitaivla a la glisch. Ina retschertga da SRF mussa uss – ch'il conturn famigliar da l’advocat ch’ha reglà las spesas da l’etascha da schefs – ha profità dad in sponsoring.

L’emna che vegn cumenza il process cunter l’anteriur schef da la banca Raiffeisen, Pierin Vincenz. In punct da l’accusa èn las spesas privatas che l’anteriur schef sa laschava pajar ora da la banca. L’advocat extern ch’aveva da controllar ils moviments da las spesas ed auter da l’anteriura direcziun, era ina da las paucas persunas ch’aveva survista dals quints da las spesas tar la Banca Raiffeisen.

Uss sa mussa che la famiglia da quest advocat ha profità d’in sponsoring da la banca. Concret haja la banca presumablamain sponsurà cun 200’000 francs la nezza da l’advocat ch’era giugadra da golf.

Quai ves jau sco ina constellaziun privlusa e nuncommensurada.
Autur: Monika Roth professuressa dal dretg

Raiffeisen ha bain confermà il sponsoring, dentant fatg naginas indicaziuns davart la summa ed ulteriurs detagls. La professuressa da dretg Monika Roth giuditgescha la constellaziun sco privlusa, perquai ch’ils daners da sponsoring èn culads en l’ambient famigliar da quest um che controllava ils pajaments a la direcziun.

Tenor in insider haja Pierin Vincenz sez ordinà il pajament. Da lez temp na saja golf però betg stà in sport che la banca haja sustegnì.

audio
Per tadlar: Las novitads da las 09:00
aus RTR Audio vom 19.01.2022.
abspielen. Laufzeit 3 minutas 28 Sekunden.

RTR novitads 09:00

Artitgels legids il pli savens

Scrollar a sanestra Scrollar a dretga