Siglir tar il cuntegn

Header

cuntegn

Pierin Vincenz Speculaziuns a la bursa cun conto secret

L'anteriur schef da la Raiffeisen, Pierin Vincenz, ha sco ch'i para gì speculà mal a la bursa cun milliuns. Quai sur in conto en il Principadi dal Lichtenstein. Sulet l'ultim onn sco CEO da la banca haja Vincenz fatg transacziuns da 95 milliuns francs, quai rapporta la «SonntagsZeitung». Tut en tut haja Vincenz manà contos tar 17 bancas. 12 da quellas na tutgavan betg tar l'associaziun da la Raiffeisen. Sur in conto tar la LGT a Vaduz èn ids pajaments da salari zuppads, daners per relaziuns d'amur malgartegiadas e deals a la bursa.

Normalmain na dastga in CEO dad ina banca gronda betg avair contos tar autras bancas. A partir dals 25 da schaner sto Vincenz sa responsar davant dretgira pervia d'execuziun d'affars malfidaivla.

I vala la presumziun d'innocenza.

audio
Per tadlar: Las novitads da las 09:00
ord RTR Audio dals 09.01.2022.
laschar ir. Durada: 3 minutas 42 Secundas.

RTR novitads 08:00

Artitgels legids il pli savens

Scrollar a sanestra Scrollar a dretga