Las infurmaziuns dal VBS al Cussegl federal e l'occupaziun minuziusa cun il cas mussian ch'il Cussegl federal haja piglià serius la situaziun ed ha procurà per clerezza – uschia ina communicaziun.
Sco «critic» ord vista dal Cussegl federal vegn dentant valità la circumstanza che nagin manader dal departament haja udì da questa operaziun avant che Viola Amherd è entrada en uffizi.
Controllas manglusas tar il VBS
En il cas Crypto AG saja il problem principal ch'ins haja sur blers onns tegnì l'operaziun secreta en in pitschen circul da persunas. Pli tard saja l'operaziun er restà in secret en il servetsch federal d'infurmaziuns BND e «perquai vegnì sustratg da la controlla politica».
Dapi il 1993 ha il servetsch federal d'infurmaziuns gì infurmaziuns fidablas davart la firma Crypto AG da Zug. Pir l'atun 2019 sajà il Cussegl federal vegnì infurmà davart l'andament.
