La segunda furniziun da 230'000 dosas dal vaccin da Pfizer/Biontech saja gia arrivada. Vitiers quintian els ch'il vaccin da Moderna survegnia ils proxims dis il permis. Suenter possian ins vaccinar tras zic a zic, uschia Lévy.
Fin la fin da mars duain esser viroladas tuttas gruppas da ristg e fin la stad tuttas persunas che veglian sa laschar vaccinar, ha ditg Lévy.
Cifra da reproducziun crescha puspè
En Svizra è danovamain creschì la cifra da reproducziun, la cifra ch'inditgescha quantas persunas ch'ina persuna infectada cun ils coronavirus contagiescha en media. Questa cifra è creschida da 1,04 sin 1,05, annunzia il BAG sin sia pagina d'internet. Anc betg integrà en quest dumber n'èn la midada da l'onn e l'emprima emna dal 2021. Sur 1 è la cifra dapi ils 26 da december e munta che la summa da persunas infectadas s'augmenta.