Siglir tar il cuntegn

Header

cuntegn

Armada svizra Segirezza custa – e perquai vul Amherd ina milliarda dapli

Per finanziar la segirezza en avegnir prevesa l'armada investiziuns da 15 milliardas francs – e quellas duajan vegnir finanziadas cun auzar il budget. Uschia la cussegliera federala Viola Amherd en l'emissiun 10vor10.

La glista da cumpra che l'armada dovria per segirar en avegnir la segirezza è impressiunanta: La cussegliera federala Viola Amherd vul cumprar en per 15 milliardas francs. La glista sa cumpona da raketas per duas milliardas, jets da cumbat per sis milliardas e novs vehichels armads e sistem terresters per sis milliardas.

Per nus è cler: Blers sistems vegnan a la fin da lur vita. Quels èsi da substituir, sch'ins vul garantir la segirezza er en avegnir e quella segirezza custa.
Autur: Viola Amherd cussegliera federala (PCD)

Per quellas cumprias na basta il budget actual da radund 5 milliardas ad onn betg pli. Perquai vul la cussegliera federala dapli raps per l'armada – concret radund ina milliarda ad onn. Quella duai vegnir ensemen en etappas dal 2021 fin il 2032.

RR novitads 06:00

Artitgels legids il pli savens