Siglir tar il cuntegn

Header

audio
Saira: Cussegl federal vul stabilisar AVS
Or da Actualitad dals 03.07.2019.
laschar ir. Durada: 2 minutas 24 Secundas.
cuntegn

Avegnir da l'AVS Uschia vul il Cussegl federal segirar l'AVS

Dunnas duain lavurar enfin 65, la pensiun duai daventar flexibla tranter 62 e 70 onns, e tgi che lavura pli ditg duai survegnir ina renta pli auta. Quai èn las mesiras centralas, ch'il cusseglier federal Alain Berset (PS) ha preschentà a Berna.

La mesemna ha il Cussegl federal decidì tge mesiras che la revisiun AVS 21 duai cuntegnair. Cun quellas veglia el mantegnair il nivel da rentas , segirar las finanzas da l'AVS fin il 2030, flexibilisar la vegliadetgna da rentas e motivar da lavurar pli ditg. Quai scriva la Confederaziun en ina communicaziun a las medias.

Il Cussegl federal ha incumbensà il departament da l'intern da far fin la fin d'avust il messadi ed ils sboz per la lescha tar la refurma AVS 21. Tenor calculaziuns dal Cussegl federal vegn la cassa da l’AVS distgargiada tras las mesiras per radund 2,8 milliardas francs.

Ils puncts centrals da la refurma AVS

Avrir la box Serrar la box
  • Las dunnas duain er lavurar fin 65. Lur vegliadetgna da renta duai vegnir augmentada pass per pass. Per accumpagnar quest svilup prevesa il Cussegl federal pajaments da cumpensaziun da radund 700 milliuns francs – e quai sur 9 onns.
  • La vegliadetgna per retrair AVS sa vegnir tschernida – quai tranter 62 e 70 onns.
  • L’AVS sa vegnir retratga per part ordavant u pir pli tard.
  • Er tar il provediment professiunal vala il dretg d’armonisar la vegliadetgna da pensiun da 65 e da retrair la renta pli adura u pli tard.
  • Tgi che lavura pli ditg che fin la vegliadetgna da referenza duai vegnir motivà cun dapli renta.
  • La taglia sin plivalur vegn auzada per maximalmain 0,7% a favur da l’AVS.

RR novitads 15:00

Artitgels legids il pli savens