Siglir tar il cuntegn

Header

purtret da la banca naziunala a Berna.
Legenda: Keystone
cuntegn

Svizra Banca naziunala cun 20,9 milliardas gudogn

Raschun per il gudogn sajan sur tut gudogns da valitaziun sin l'inventari d'aur e da devisas, scriva la Banca naziunala svizra. Il gudogn sin posiziuns da valutas estras haja muntà a 13,3 milliardas francs. L'effectiv en aur saja s'augmentà en la valur per 6,6 milliardas e las taxas sin deposits a vista tar las bancas hajan purtà 1,3 milliardas.

A chantuns e Confederaziun vul la Banca naziunala pajar ora 6 milliardas francs. Ils acziunaris duain survegnir ina dividenda da 15 francs per aczia.

La Banca naziunala aveva gia il schaner declerà da probablamain far in gudogn da 21 milliardas francs, quai fundà sin cifras provisoricas. Il 2019 aveva la banca anc fatg in gudogn da 48,9 milliardas francs.

Resultat dependa

Avrir la boxSerrar la box

Il resultat da la Banca naziunala svizra dependa da la variaziun da la valur da ses tschient milliardas francs en reservas da devisas. Quellas consistan per part er dad aczias ed emprests da l'exteriur. Valurs estras cumpra la Banca naziunala per controllar ch'il franc na vegnia betg memia ferm.

audio
Per tadlar: las novitads da las 12:00
04:44 min, RTR Audio dals 01.03.2021.
laschar ir. Durada: 04:44 minutas.

RTR novitads 09:00

Artitgels legids il pli savens

Scrollar a sanestra Scrollar a dretga